長隆遊玩小貼士(轉貼)

係度講既係用最經濟既情況下去玩,有錢鬼唔知可以住長隆狩獵房$1600一晚啦!!!
(請勿講埋D買長隆套票都係咁上下,玩得就唔怕洗錢之類..............,多謝合作,不喜勿看,勿插)
其實去長隆本身已經係好Q貴既節目,各位試諗下如果你要玩水上樂園,大馬戲,動物園,歡樂世界D門票差唔多成千銀一個,我試過初初唔識同屋企人四個去,使左成七仟幾銀呀,真係去泰國都差唔多!!!
花錢原因:
1)唔使係香港買定門卷,咁就一定貴
2)唔好住長隆,入去住一定貴(唯一好處係VIP Pass)
3)記住係大陸食野係可以好平,好正,好乾淨,好地道(睇你識唔識而已),但好多人都想幫襯"四海x家"(而家佢既質素每況俞下啦!!又貴連加一成$180)
4)唔好坐船,坐直通火車,呢兩樣令到buget不停上升但時間差無幾,應該轉搭大巴(唯獨係怕虎門交匯處塞車)
5)揀酒店可選$250-$$400最適合(最平重有$168雙人tim)祇要位於番禺便可,D酒店仲係好野來架!!


慳錢大法:
1)所有長隆周邊既酒店都有得定門卷(book酒店時問埋)仲要平成$2x蚊-40蚊一張,真係唔知既話去以下地方買必有平價團體飛買
廣東職旅-祈福新村商業街121號(農業銀行旁),電話(020)84512438 番禺有個好處大部份人都識廣東話

2)除在大馬戲係最近長隆其他都要長接駁車,所以如果係周邊酒店咪一樣(VIP Pass除外)
周邊酒店以打的不超過$30為最好(番禺打的起表7皮咋陰公,晚上10皮)

3)食晚飯,宵夜有幾個超好地方(平靚正),一講的士路一定識去
a)祈福食街,好明顯係祈福新村啦,入面N咁多間食物館(起碼20間),最夜收01:00
b)雞村大飯店,本地人經常去好簡單因為正野,(個人認為"海馬蒸土雞"必食首選,係細隻既雞可以2-3個人食一隻,重有"花彫雞子"以上2樣要預定咁滯好快無,尤其是去完水上樂園之後去更加正更覺好食最夜收10:00緊記 地址:迎賓路龍美村口 電話020)84661010 最好訂埋位
c)黃編食街,大北路黃編村內,由牌坊方向入,似香港老廟咁由2元-15元小食,我食過N次都無事(個人問題),你食$40野我諗你行唔到咁滯,收市為00:00左右(小心扒手及老笠,真係唔好行D靜英英既地方呀!!)
d)興發食街,大北路大北車站旁邊﹝近番禺賓館、番禺汽車站﹞同上面差不多

4)坐船2xx(2 hrs仲要係蓮花山去長隆加半個鐘),深圳坐火車$75 / $100(連轉車又係2hrs多D) ,旺角中旅經深圳灣過$60最平(指定時間唔記得),其他時間$80(經濟又舒服一覺瞓一流,中途會停站小解)

5)最重要係book酒店,以下有幾間比大家參考價錢$168-$550不等,自己選擇(我book過所有都唔使CC登記或過數落訂,email confirm ok la仲可以講埋有咩要求(有Baby,多1個人,book門卷,加自助餐....乜都得)
...

瀏覽完整內容，請先 註冊 或 登入會員